Изненадувачкиот пораз на Барселона од трибините го гледаше и Мајкл Џордан

Натпреварот помеѓу Монако и Барселона (2:1) во живо од ложата на стадионот во Кнежеството ја следеше и Мајкл Џордан.

За многумина најдобриот кошаркар на сите времиња и легенда на Чикаго Булс не можеше да побегне ниту од камерите на стадионот, ниту од телефоните на присутните околу него.

Не е познато за кого Џордан навиваше, а натпреварот на крајот заврши со изненадувачка победа на домаќините од 2:1. Ќе потсетиме, Барселона уште во 11. минута остана со играч помалку откако исклучување заработи Ерик Гарсија.