Играше за Рома и Интер, а сега станува кошаркар

Фудбалерот на Нови Пазар и поранешен српски репрезентативец Адем Љајиќ ќе стане кошаркар.

Како што соопшти Кошаркарскиот клуб Нови Пазар 1969 година, Љајиќ за нив ќе игра во Првата машка регионална лига Запад „Б“.

„Нема потреба да го запознаваме, сите добро знаеме кој е тој и колку придонесе за спортот во овој град – еден, единствен, нашиот Пазарац Адем Љајиќ. Фудбалската топка нема целосно да ја замени со кошаркарска, но тој ќе му биде на располагање на тренерот Хаџериќ кога ќе ги балансира обврските со фудбалскиот тим“, соопштија од кошаркарскиот клуб од Нови Пазар.

Инаку, познато е дека Љајиќ е голем љубител на кошарката, па ова ќе биде остварување на сонот за него и совршена можност да и покаже на публиката на Пазар како се справува со кошарката.