„Зошто да одам во Саудиска Арабија? 30 милиони евра нема да ми го променат животот“

Фудбалерот на Реал Мадрид Федерико Валверде нема намера да го напушти Реал Мадрид за трансфер во Садиска Арабија. Како што вели Валверде парите не му се мотив бидејќи игра во најдобриот клуб во светот.

Валверде е убеден дека дури и да дојде понуда со која би заработувал 30 милиони евра годишно или повеќе ништо нема да се промени.

„Нема да одам во Саудиска Арабија, нема шанси. Во овој момент 10, 20 или 30 милиони евра нема да ми го променат животот. Играм за најдобриот клуб во светот, животот во мадрид ми се допаѓа, исто така и на моето семејство, тоа ми е најважно“, изјави Валверде.

Дресот на Реал Мадрид Валверде го носи од 2015 година, а сезонава одигра 26 натпревари, неговиот договор е со важност до 2029 година.