Зидан не се откажува: Повторно тргнува по Канте

Реал Мадрид го поднови интересот за ѕвездата на Челзи, Нголо Канте пренесува весникот „АС“.

Весникот тврди дека Челзи е спремен да се раздели со фантастичниот Французин за да го финансира летниот трансфер период.

„Сините“ веќе го донесоа Хаким Зијах за кого потрошија 36  милиони финти. Примарна цел е напаѓачот Тимо Вернер, а тој трансфер ќе го чини Челзи 55 милиони фунти.

Лампард е заинтересиран и за уште неколку големи ѕвезди како Каи Хаверц и Џејдон Санчо, па поради тоа ќе мораат да продадат едно големо име.

Најголем интерес постои за Нголо Канте, чија цена во моментов изнесува 70 милиони фунти.

Реал Мадрид е спремен да ја плати таа сума бидејќи Французинот е голема желба на Зинедин Зидан.