Работнички успешно го стартуваше вториот дел од првенството со триумф против Пелистер во Битола, а утре го очекува нов голем предизвик. Тимот на Борче Христов на арената „Тодор Проески“ ќе се соочи со лидерот Шкупи.
Зошто проблемот со улични кучиња СÈ УШТЕ постои? | Уште еден поткаст
Фудбалерот од средниот ред Зрбин Зејнулаи најавува жестока борба и се надева на позитивен резултат за Работнички.
„Победивме на стартот против Пелистер, но сакаме да продолжиме со позитивни резултати во низа. Атмосферата во тимот е одлична и ќе се потрудиме да ја одржиме со добра игра и позитивен исход и против Шкупи. Тие се лидери и имаат квалитетен тим, но Работнички ќе се бори со сите сили за да го сопре Шкупи“, вели Арбин Зејнулаи.
Натпреварот меѓу Работнички и Шкупи се игра утре на арената „Тодор Проески“, со почеток во 14 часот. Главен судија на мечот ќе биде Александар Грујоски од Кичево.
Фото: ФК Работнички
Учество во игри на среќа е дозволено за лица со 18+ години. Играј одговорно!