Еурофарм Пелистер 2 ќе дебитира на европската сцена против австрискиот вицешампион

Вториот состав на Еурофарм Пелистер кој дебитира во европските натпреварувања го доби противникот во првото квалификациско коло од второто во Лигата на ЕХФ.

Прва пречка на Битолчани ќе биде претставникот на Австрија, Алпла Хард, а мечевите ќе се одиграат на 27/28 август и 3/4 септември.

Нашиот втор претставник во квалификациите Бутел Скопје во натпреварувањето влегува во следната квалификациска рунда додека првиот тим на Еурофарм Пелистер обезбеди директен пласман во фазата по групи од Европската лига на ЕХФ.

Првото коло од квалификациите ќе се игра на 27/28 август и 3/4 септември, а второто квалификациско коло ќе се игра на 27 септември и 4 октомври 2022 година.