Елиминиран и вториот фаворит за шампионскиот трофеј: Шведска на мегдан со Шпанија

Селекцијата на Шведска по драматичен финиш во продолженија обезбеди пласман во рамки на финалето од ЕП во ракомет во Хрватска, славејќи над Данска со 35:34.

Швеѓаните беа доминантни уште од самиот старт, па во некои моменти имаа разлика и до пет погодоци позитива. Така, на полувреме се замина со резултат 16:14 во корист на Шведска.

Данска пак, во вториот дел во финишот успеа да се доближи, па непосредно заедно со судискиот свиреж, Сван на Данска и донесе нова надеж во продолженијата,

Во продолженијата, Швеѓаните повторно започнаа подобро и по првите 5 минути имаа предност од 1 разлика, која што ја задржаа до самиот крај.

Шведска во недела во големото финале ќе игра против Шпанија, додека Франција и Данска ќе ги одмерат силите во натпреварот за 3. место.