Европа го чека новиот „крал“: Шпанија за четврта или Англија со прва круна

Денес секако централен настан ќе биде финалето на Европското првенство, каде за европскиот трон ќе е борат репрезентациите на Шпанија и Англија.

Вечерва на стадионот во Берлин, Шпанија ќе се бори за рекордна четврта европска титула, додека Англија ќе се обиде да го освои своето прво Европско првенство во историјата. Минатото ЕП изгбија во финалето и тоа на домашен терен, па сега ќе имаат шанса за поправен.

Шпанија покажа најмногу до сега

Шпанија од самиот почеток на Европското првенство игра отворен фудбал и со доминанта игра ги победи протигвниците. Беше во „групата на смртта“, но уште од самиот старт покажа дека е најсериозен кандидат за титулата кога ги надигра и побди Хрватска и Италија.Потоа следуваше рутинска победа против Грузија, а во четвртфиналето го имаа најтешкиот тест. Го исфрлија домаќинот Германија со гол во 120-та минута, но сепак впечатокот е дека беа подобар тим. Во полуфиналето ги чекаше Франција, па „фуријата“ славеше со пресврт и заслужено стигна до финалето. Притоа, Шпанија ја промовираше новата ѕвезда на европскиот фудбал, Ласин Јамал, кој со 16 години ги собори сите рекорди на ова Европско првенство, Во полуфиналето беше и херој и постигна феноменален гол и стана најмлад стрелец во историјата на европските пррвенства. Шпанија во финалето ќе биде посилна за Карвахал, кој се враќа во тимот, а неговата важност е огромна, исто така во тимот се враќа и Ле Норман, па се очекува двајцата да бидат во стартниот тим. Секако најсилната карика на Шпанија е средниот ред, па несомнено така ќе биде и во финалето, каде диригентската палка ја имаат одличните Родри и Фабиан Руиз.

Англија со бледа игра до финале

Англичаните и пред почетокот на првенството важеа за големи фаворити. Според квалитетот им се даваа најголеми шанси за победа, барем според букмејкерите, но според играта воопшто не ги оправда очекувањата. Критиките кон селекторот Саутгејт се се пожестоки, во групната фаза запиша само една победа, а потоа против Словачка беше пред елиминација и се спаси во последната секунда. Против Швајцарија ја промени тактиката и започна со тројца во одбраната, што воопшто не функционираше на терен и Англија играше многу лошо. Меѓутоа, на крај сепак успеа после изведување на пенали да се пласира во полуфинале. Таму против Холандија го одиграа најдобриот меч на ЕП и успеаа да победат со гол во 90-та минута. Херој беше Воткинс, кој го постигна својот трет гол за репрезентацијата воопшто. Впечатокот е дека Англија се мачеше да дојде до финалето, но сигурно има квалитет да победи секого на еден меч. Играат за историска прва круна која ја чекаат многу долго, а поразот во финалето пред три годинио ќе им биде додатен мотив.

Очекување

Двете репрезентации ќе бидат претпазливи бидејќи влогот е голем, но играат отворен фудбал, па очекуваме возбудлив меч со голови на двете страни.