Драма во четири часа на „Род Лавер“ арената со среќен крај за Кирјос!

Најдобриот меч во досегашниот дел на Австралија Опен го одиграа Ник Кирјос и Карен Кчанов. После четиричасовна драма, славеше Кријос со 3:2 во сетови.

Публиката во Мелбурн и во продолжение од турнирот ќе има домашен фаворит откако Кирјос славеше против Кчанов со 6:2, 7:6, 6:7, 6:7, 7:6.

Мечот на „Род Алвер“ арената траеше четири часа и 24 минути. Кирјос ги доби првите два сета, Русинот одговори во наредните два и во петтиот гледавме вистинска драма.

Откако двајцата тенисери беа сигурни на свој сервис, Кчанов поведе во тај-брејк со 8:7, но потоа изгуби поен на свој сервис, па Кирјос ја искористи третата меч топка за 10:8 и победа.