![](https://sportski.mk/wp-content/uploads/2024/03/doncic-850x491.png)
Лука Дончиќ беше најдобар стрелец, скокач и асистент на натпреварот и стана само осмиот кошаркар во историјата на НБА кој остварил трипл-дабл со повеќе од 30 поени во Бостон, но неговиот Далас Маверикс беше убедливо поразен. Домашниот тим победи со 138:110.
Словенецот го заврши натпреварот со 37 поени, 12 скока и 11 асистенции за 12-ти трипл-дабл сезонава.
Лига Нации: Се освен прво место ќе биде катастрофа за Македонија! ↓↓↓
Тој е првиот кошаркар со повеќе од 30 поени и трипл-дабл бројки од 2016 година, кога истото го направи Расел Вестбрук.
Бостон до победата го предводеше Џејсон Тејтум. По мирната прва четвртина, во која единствените кошеви му беа слободните фрлања на 18 секунди до крајот, Тејтум беше одличен во преостанатиот дел од натпреварот и го заврши натпреварот со 32 поени и осум скока.
Во десеттата последователна победа на Селтикси се истакнаа Џејлен Браун со 25 поени, седум скока и пет асистенции и Кристапс Порзингис, кој постигна 24 поени против својот поранешен тим.