Добри вести за Тотенхем пред финалето во ЛШ

Англиските медиуми пренесуваат дека Хари Кејн одлично се рехабилитира од повредата и големи се шансите да настапи во финалето од Лигата на шампиони против Ливерпул.

Англискиот репрезентативец го повреди глуждот во четвртфиналниот натпревар од ЛШ против Манчестер Сити, и оттогаш нема одиграно ниту еден натпревар.

Меѓутоа, Хари Кејн веќе започна со тренинзи и најверојатно ќе биде спремен за финалето од Лигата на шампиони.

Тоа е одлична вест за тренерот Покетино со оглед на фактот што Кејн е прв стрелец на тимот. Тој оваа сезона настапи на 39 натпревари за Тотенхем, постигна 24 гола и запиша шест асистенции.

Финалето во најелитното натпреварување ќе се игра на 1 јуни во Мадрид на стадионот „Ванда Метрополитано“.