Де Геа ја одби понудата на Манчестер Јунајтед

Голманот на Манчестер Јунајтед, Давид де Геа ја одбил првата понуда на Манчестер Јунајтед за продолжување на договорот.

Актуелниот договор на Де Геа истекува на крајот на сезоната, а со оглед на фактот дека Шпанецот има 32 години, раководството се обидува да го убеди да прифати помала плата.

Во моментов Де Геа заработува 375.000 фунти неделно, што го прави најплатен голман во светот.

„Атлетик“ пренесува дека Де Геа ја одбил првата понуда која му ја доставило раководството, но не открива финансиски детали. Меѓутоа, медиумот открива дека Шпанецот е спремен да ја намали платата.

Двете страни треба да постигнат договор за тоа колкаво да биде намалувањето и за должината на договорот.