Дејан Станковиќ утре и официјално ќе седне на кормилото на Црвена Звезда

Владан Милојевиќ денес и официјално го напушти тренерското столче на Црвена Звезда, на кое утре и официјално ќе седне Дејан Станковиќ.

Иако раководните лица на клубот денес не сакаа да потврдат, сепак за утре во 13:00 часот е закажана пресконференција на кој Станковиќ ќе биде назначен за нов тренер на „црвено-белите“.

Станковиќ досега не бил во улога на главен тренер, а има работено како помошник на Андреа Страмачони во Удинезе.

Тој е жива легенда на српскиот фудбал и за тамошмната репрезентација има одиграноп 103 натпревари.

Како играч, Станковиќ во Звезда играше од 1995 до 1998 година, а кариерата ја заврши во 2013 година во Интер.