Дали е ова најава за трансфер? „Супер агентот“ ја доби битката за Деле Али

Супер агентот Жорге Мендеш е на добар пат да ја добие битката со своите колеги за потписот на еден од најголемите таленти во анлискиот фудбал – Деле Али.

Договорот на Деле Али со агентот Роб Сигл и неговата компанија „Импакт Спорт“ истекува следната година, а според медиумите на Островот најверојатно играчот од 2018 година ќе го застапува Жорге Мендеш.

Најдобрите светски фудбалски агенти беа во „војна“ за потписот на ѕвездата на Тотенхем, а на крајот Анличанецот се одлучи за Мендеш.

Договорот на Деле Али со Тотенхем истекува во 2022 година, но од клубот веќе му понудија нов договор на 21-годишниот играч за врска. Раководството на „спарси“ настојува договорот да биде потпишан пред Мендеш и официјално да стане агент на фудбалерот.

Сега откако стана јасно дека Мендеш ќе биде новиот агент на Деле Али уште повеќе се засилуваат шпекулациите за негова преселба во Реал Мадрид.