Го напушти МЗТ и се пресели во клубот на Роналдо

MЗТ Скопје вчера објави дека се разделува со Американецот, Седрик Расел кој не се снајде најдобро во клубот од Аеродром.

Сега е познато и каде ќе продолжи, а дестинацијата е прилично интересна. Од македонското првенство, Расел се сели во Саудиска Арабија и тоа во тимот на Ал-Наср кој стана познат по фудбалскиот тим откако го довведе Кристијано Роналдо.

Во прашање е истиот клуб, додека играчите тренираат во ист комплекс на различни терени и имаат заеднички простории, па така Расел сега ќе има прилика да биде блиску до еден од најдобрите спортисти на сите времиња.