Готово: Драгушин го избрал новиот клуб – договорени сите детали!

Романскиот стопер Раду Драгушин сепак го избрал, Лондон место Минхен.

Германскиот „Скај Спорт“ пренесува дека Баерн Минхен задоцнил во трката за потписот на Драгушин бидејќи дефанзивецот веќе се договорил со Тотенхем.

Новинарот Флоријан Плетенберг открива дека Тотенхем и Џенова практично договориле се околу трансферот и Спарси ќе платат сума од 25 милиони евра, плус дополнителни пет преку бонуси. Во спротивен правец ќе тргне Џед Спенс како позајмен фудбалер, станува збор за играч кој не е во плановите на Постекоглу.

Драгушин ги договорил личните услови и ќе потпише договор до 2029 година. Инаку, тој е еден од најдобро оценетите стопери во Серија А, но и цела Европа и одреден период е на мета на големите клубови.

Интерес за неговите услуги покажаа и Наполи и Милан, меѓутоа Романецот го избрал Тотенхем.