Гвардиола се вклучи во трката за Дибала

Иднината на Пауло Дибала е главна тема бидејќи Аргентинецот може да го напушти Јувентус како слободен агент на лето.

Вчера англиските медиуми пренесоа дека Ливерпул спрема понуда за Дибала, а денес „Газета дело Спорт“ пренесува дека во трката за неговиот потпис се приклучил и Манчестер Сити.

Договорот на Дибала со Јувентус истекува на крајот на сезоната и во моментов преговорите за продолжување на соработката се во застој.

Аргентинецот бара плата од 10 милиони евра по сезона што Јувентус не може да си ја дозволи, па се поизвесно е дека ќе си замине како слободен агент.

Манчестер Сити сака да ја искористи таквата ситуација и да добие големо засилување без обештетување, а „граѓаните“ се спремни да му ги исполнат финансиските барања.