Вујовиќ: Срамота, не ни дозволија да играме!

Екипата на Вардар нема да има можност да се бори за нова титула во СЕХА лигата бидејќи не им беше дозволено да играат на Фајнл фор.

„Црвено-црните“ изборија пласман на Фајнл-фор, но поради позитивни случаи на Ковид не им беше дозволено да патуваат во Задар и мораше да се вратат во Македонија.

Тренерот на Вардар, Веселин Вујовиќ не го криеше разочарувањето и истакна дека ова е срамота.

Каква срамота. Велат дека е позитивен само Борко додека за седум играчи не поминале 14 дена од втората доза на вакцина, па се критични. Сакавме да го повториме тестот, но не ни дозволија. Сите имаме ПЦР тестови, баравме да направиме повторно. Сакав дури да играм и со 11 играчи кои имаат потврда за вакцинација, но и тоа не ни го дозволија“, изјави Вујовиќ.