Времето на Роналдо во Јувентус истекува

Италијанскиот гигант Јувентус нема да го продолжи договорот со португалската мегаѕвезда Кристиано Роналдо, пренесува „Скај Спорт“.

Причината е финансиска – Роналдо има преголема плата, која „бјанконерите“ не можат да си ја дозволат во момент на финансиска криза.

Договорот на Португалецот со „старата дама“ истекува во јуни 2022 година. Се шпекулиареше дека може да си замина ова лето, но сепак ќе остане во Торино.

Роналдо ги започна подготовките за новата сезона, која готово сигурно ќе биде последна за него во дресот на Јувентус.