Дома Фудбал Италија Влаховиќ за споредбите: Не сум Нејмар, а ниту Азар или Меси…

Влаховиќ за споредбите: Не сум Нејмар, а ниту Азар или Меси…

Jувентус оваа сезона остана многу далеку од титулата шампион на Италија која вчера ја потврди Интер и така стигна до своето 20. Скудето. Интер на пет кола пред крајот има 17 бода повеќе од Милан на втората позиција и дури 22 повеќе од Јувентус кој е трет.

Пред денешниот реванш на Јувентус во Купот на Италија против Лацио зборуваше Душан Влаховиќ.


Кој ќе биде новиот шампион, Сити или Арсенал? ↓↓↓


“Имавме можност да се бориме за титулата, но фактот што таа борба траеше до февруари не значи ништо и не се брои. Жалиме, но сепак има за што да игра и се уште можеме да своиме трофеј“, изјави Влаховиќ и продолжи:

“Минатата сезона имав проблеми, оваа сезона се чувствував подобро. Тоа е единственото нешто што се промени, се останато е како што беше. Работев напорно и се фокусирав на опоравувањето. Дадов вкупно 17 гола оваа сезона”, рече тој анализирајќи што направил на индивидуален план.

Не крие Влаховиќ и дека ја сонува „Златната топка“, сепак е свесен дека во моментов е далеку.

„Сонувам за Златната топка, но многу работи треба да се поклопат за тоа“.

Низ кариерата Влаховиќ земал пример од фудбалери како: Кристијано Роналдо, Златан Ибрахимовиќ и Фернандо Торес, дека му се восхитува и на Карим Бензема. Одговори и на споредбите со одредени фудбалери.

„Јас не сум Нејмар, Азар или Меси, фудбалери кои кога ќе ги видите велите: Леле, каков играч! Без разлика на профилот, напаѓачот е клучен за тимот ако игра добро, тимот игра добро“, објасни Влаховиќ.

Коментари
Прочитајте поврзани статии
Load More In Италија

Проверете

Чави потврди: Неговата иднина во Барселона е неизвесна!

Сезоната заврши за Барселона, но изгледа дека турбуленциите се уште не поминале. Сеуште не…