Вилијан: Приказната со Челси е завршена

Ако продолжи сезоната во ПЛ фудбалерот на Челси, Вилијан вети дека ќе го одработи договорот со клубот до крај.

Меѓутоа, ако не продолжи љубовта помеѓу него и Челси веројатно е завршена.

„Завршена е приказната со Челси. Сите добро знаат дека договорот ми истекува за неколку месеци и тешко дека ќе биде продолжен. Ми понудија договор на две години, а ја барав минимално на три. И тука целата приказна е завршена, нема повеќе преговори.“ – изјави Вилијан.

Сигурно е дека овој фудбалер нема долго да биде без ангажман. Барселона веќе со години се интересира за Бразилецот и нема да биде чудо и сега да тргне по неговите услуги.

Во играта со сигурност ќе се вклучат и ПСЖ, Јувентус, Интер, додека неофицијално се шпекулира дека за овој фудбалер се заинтересирани и премиерлигашите Арсенал и Тотенхем.

Едно е сигурно, кој и да го потпише овој фудбалер нема да погреши.