Видео: Џон Тери и Вила остануваат во Чемпионшип, Фулам во Премиер лигата!

Астон Вила и Фулам денес со почеток од 18:00 часот го одиграа финалето од плеј-офот за пласман во Премиер лигата.

На крајот до победа успеа да стигне тимот на Фулам, минимална (0:1), но доволна за победа која во наредната сезона ќе им донесе сума од 170 милиони фунти, поради играњето во Премиер лигата и бонусите од ТВ правата.

Фулам и пред натпреварот важеше за фаворит, на крајот и оправда таа улога. Единствениот гол на натпреварот беше постигнат во првиот дел во 23 минута и беше дело на Каирнеј.

Во вториот дел Астон Вила ја подобри играта, а од 70 минута до крајот играа и со играч повеќе. Втор жолт картон доби Одои.

Сепак и покрај тоа Фулам успеа да ја сочува предноста, па наредната сезона ќе бидат дел од Премиер лигата, додека Џон Тери и Астон Вила ќе мора да играат барем уште една сезона во второто по ранг натпреварување во Англија.