Вејн Руни и официјално се посвети на тренерската кариера

Поранешниот англиски репрезентативец Вејн Руни и официјално е тренер на Дерби Каунти.

Во ноември 2020 година англискиот второлигаш го именуваше Руни за привремен тренер, но сега легендата на Манчестер Јунајтед во целост ќе заплови во тренерските води.

Дерби денес официјално го потврди она што се најавуваше и му даде перманентен договор на Руни. Со Дерби Руни потпиша договор на 2.5 години, односно до 2023.

Најголемиот дел од кариерата и најдобрите денови Руни како играч ги помина во Манчестер Јунајтед, а играше уште и за Евертон, Ди-Си Јунајтед и Дерби каде што сега ќе биде и тренер.

OFFICIAL: Wayne Rooney has been named permanent manager of Derby County pic.twitter.com/em5p2plqKZ

— B/R Football (@brfootball) January 15, 2021