Вернер има ултиматум: Мора да донесе одлука што побрзо!

Раководството на Лајпциг очекува напаѓачот Тимо Вернер да донесе конечна одлука во наредните денови.

Вернер треба да донесе важна одлука – дали да си замине ова лето, или да остане уште една сезона и евентуално да потпише нов договор.

Неговиот договор истекува следното лето, па Лајпциг не сака да ја загуби својата ѕвезда без обештетување.

„Тимо треба да донесе одлука. Ние како клуб ја завршивме нашата работа. Му покажавме колку многу го цениме, му понудивме нов договор, и нема што повеќе да сториме“, изјави директорот на Лајпциг.

23-годишниот напаѓач одигра одлични три сезона во Лајпциг и постигна гол и во првото коло, а најсилен интерес за неговиот потпис покажува Баерн Минхен.