Венгер категоричен: Озил и Санчез не одат никаде!

Арсенал нема да ги продава двете најголеми ѕвезди, Алексис Санчез и Месут Озил во зимскиот преоден рок, потврди менаџерот на „топџиите“, Арсен Венгер.

Договорите на двајцата фудбалери истекуваат на крајот на сезоната и во моментов е јасно дека нема шанси да стават потпис на нови договори.

Поради тоа во медиумите се шпекулираше дека можат да бидат продадени во зимскиот преоден рок, но Венгер категорично го демантираше тоа.

„Ви кажува и за двајцата – Да, сигурно ќе останат. Ќе го анализираме секој случај одделно и индивидуално. Мојата желба е сите да останат“, изјави Венгер.

Според ова јасно е дека Арсенал е спремен да ги загуби двајцата следното лето без обештетување.