Вардар сезонава ќе води тешка битка, Борец со три бода си замина од Скопје

Борец за првпат во својата историја го победи Вардар среде Скопје.

Никола Радовиќ го отвори натпреварот совладувајќи го Филип Илиќ уште во 80-та секунда од натпреварот по асистенцијата на Фернандо. Тоа беше единствениот гол на натпреварот, но Борец создаде многу прилики и Велешани можат да жалат што резултатот остана само 0:1.

Ако по утрото денот се познава Вардар го чека една тешка сезона во која ќе се бори за својата гордост, борбата за врвот сезонава изгледа ќе биде далеку.

Можеби проблем беше и што клубот поради кризата доцна почна со подготовките. Како и да е Александар Васоски сигурно ќе има тешка задача да склопи тим кој ќе може да се надигрува и победува.