Варан се отвори пред јавноста: Сведоци сме дека има криза, а еве ја причината за тоа…

По четири во низа победи во сите натпреварувања, Реал Мадрид доживеа нова катастрофа.

Во денешниот дуел од 13. коло во Ла Лига, кралскиот клуб изненадувачки беше поразен од Ејбар со високи 3:0, со што се потврди како кризата во Реал Мадрид и натаму трае.

По поразот во таборот на Мадриѓаните владееше големо разочарување, а пред новинарите застана дефанзивецот Рафаел Варан, кој смета дека проблемот е во колективот.

„Ејбар игра отворено, освојуваа топки и ни беше тешко. Не бевме во можност да играме онака како што знаеме и сакаме, не бевме раскошни. Проблемот е во колективот. Мораме да се обединиме и да дадеме се од себе во следниот меч“, истакна Варан и додаде:

„Нема многу филозофија, мораме да се подобриме“.

Реал Мадрид во шпанското првенство моментално се наоѓа на шестата позиција.