Вакво нешто во Премиер лигата се нема случено цели 60 години

Манчестер Јунајтед и Ливерпул речиси 60 години не реализирале меѓусебни трансфери поради големото ривалство, но тоа наскоро би можело да се промени.

Ливерпул планира во јануари да тргне по потписот на Џејдон Санчо, кој не е задоволен во Манчестер Јунајтед и не е во плановите на тренерот Ерик Тен Хаг.

Санчо не сака да замине од Премиерлигата, а тоа дополнително ги подгреа шпекулациите за неговата преселба на „Енфилд“.

Цената на Санчо во моментив изнесува околу 30 милиони фунти, сума која Ливерпул нема да има проблем да ја плати.