Бутрагењо: Јувентус против Тотенхем го покажа победничкиот менталитет

Денес беа извлечени паровите за ¼ финалето од Лигата на шампионите, а помеѓу натпреварите кои привлекуваат најголемо внимание сигурно е судирот на старите познаници, Јувентус и Реал Мадрид.

Реал Мадрид играа во минатогодишното финале во Кардиф во кое „кралевите“ славеа победа со резултат 4:1, додека пред три години Јувентус го елиминираше гигантот од Мадрид.

Функционерот во Реал Мадрид и играчка легенда Емилио Бутрагењо очекува тежок двомеч.

„Ќе биде тешко…Поминаа во четвртфиналето после два натпревари во кои Тотенхем беше подобар противник. Искрено, Тотенхем беше подобар од Јувентус, но не покажа карактер. Тоа најдобро говори за победничкиот менталитет кој го поседува Јувентус. Добро ги познаваме, игравме финале минатата сезона и верувам дека нашите играчи против Пари Сен Жермен покажаа за што се способни“, изјави Бутрагењо.