Бројките не лажат: Го гледаме најлошиот Манчестер Јунајтед во историјата!

Манчестер Јунајтед вчера приреди уште едно разочарување за своите навивачи со поразот од Кристал Палас со 4:0 во рамките од 35. коло во англиската Премиер лига.

Вчерашниот дебакл беше 13. неуспех за избраниците на Ерик Тен Хаг сезонава и на „црвените ѓаволи“ за првпат им се случува во историјата да бидат поразени на 13 натпревари во една сезона.

Токму затоа англиските медиуми го опишуваат како најлошиот Манчестер Јунајтед во историјата. Покрај тоа Јунајтед за првпат прими 81 гол во една сезона по 1976/1977. Со оглед како играат до крајот на сезоната, а има уште три натпревари веројатно бројката ќе биде и полоша.

На табелата тимот се наоѓа на осмата позиција.