Бонучи се врати во клубот, па веднаш замина во изолација

Репрезентативната пауза не донесе добри вести за Леонардо Бонучи и Јувентус.

Имено, Фудбалскиот сојуз на Италија вчера соопшти дека четири члена на стручниот штаб и еден фудбалер се позитивни на коронавирусот.

Јувентус денеска се огласи и потврди дека е заразен Леонардо Бонучи и дека ќе биде надвор од теренот најмалку десет дена.

„Бонучи се врати во клубот после настапот за репрезентацијата и утрово тестот покажа дека е позитивен на коронавирусот. Тој веќе се наоѓа во домашна изолација.“ – соопштија од Јувентус.

Андреа Пирло е во проблем што се однесува на стоперската позиција за дербито против Торино, бидејќи поради коронавирус отпадна и Демирал.