Белгиецот нема дилема кому да се додели епитетот најдобар: Фудбалот се игра против најдобрите!

Најдобриот фудбалер на Челзи, Еден Азар тврди дека Лионел Меси е најдобриот играч на светот, а дека Барселона е најдобриот тим во последните 15 години.

Челзи и Барселона ќе се сретнат во осминафиналето во Лигата на шампионите, а Азар очекува тежок двомеч.

„Секако, кога играте фудбалер, сакате да играте против најдобрите. Во последните 15 години ниту еден тим не е како Барселона, но исто така никој не е како Меси. Тој е најдобар фудбалер на светот“, истакна Азар.

Челзи во првиот меч ќе биде домаќин на Барселона на 22. февруари, додека реваншот е три недели подоцна на „Кам Ноу“.