Дома Трансфер зона Барселона сака да го замени Лук Де Јонг со напаѓачот на Елче?

Барселона сака да го замени Лук Де Јонг со напаѓачот на Елче?

Иако од почетокот на 2022 година Лук Де Јонг бележи подобри настапи и постигнува голови, сепак изгледа ја нема довербата од управата.

Каталонските медиуми пренесуваат изненадувачка вест. Не е изненадување тоа што Барселона сака да се ослободи од Лук Де Јонг, но е изненадување тоа што сака да го замени со напаѓачот на Елче, Лукас Боје.

Оние кои не следат толку многу шпански фудбал веројатно не ни слушнале за него. Боје е аргентински напаѓач кој има 25 години и како фудбалер се градеше во Ривер Плата. Трансфер во Европа направи во 2016 година кога пристигна во редовите на Торино.

Во Серија А никогаш не ги исполни очекувањата и има постигнато само еден гол во најсилното италијанско првенство. По Торино следуваа епизоди во АЕК, Ридинг, за на крајот да го доведе Елче.

И кога ќе се погледне неговиот вкупен учинок тешко е да се каже дека е напаѓач кој би требало да игра за Барселона. Боје во кариерата настапи на 227 натпревари и постигна 29 гола. Најдобро се пронајде во Елче каде што на 52 натпревари има 14 гола, сепак и тоа не е некој посебен голгетерски ефект.

Коментари
Прочитајте поврзани статии
Load More In Трансфер зона

Проверете

Де Јонг го одбил Манчестер Јунајтед – сака да игра во Лигата на шампионите

Новиот тренер на Манчестер јунајтед, Ерик Тен Хаг пред себе ма тешка задача да го врати ти…