Барса сепак нема да го казни Меси

Капитенот на Барселона, Лионел Меси нема да биде казнет за отсуствотон од тренинзите, тврди медиумот „Ел Чирингуито“.

Лионел Меси влезе во отворена „војна“ со Барселона и реши да не ги исполнува своите обврски кон клубот.

Тој веќе втор ден не доаѓа на тренинзи со остатокот од тимот, а не се појави ни на редовното тестирање за Ковид.

Аргентинецот смета дека завршил со каталонскиот клуб, чиј член е речиси две децении, и нема намера да се врати на обврските кон Барселона.

Анекс во договорот потврдува дека ако играч три пати неоправдано не се појави на тренинг ќе биде казнет со 25% од платата.

Меѓутоа, шпанските медиуми тврдат дека Баселона одлучила да НЕ го казнува својот капитен бидејќи сака да најде заеднички јазик за целата ситуација.