Барса го купи ефтино, сега го продава осум пати поскапо

Барселона изминатите години немаше голем успех со трансферите, но сега конечно може да заработи на еден трансфер.

Станува збор за францускиот дефанзувец Жан Клер Тобидо, кој пристигна од Тулуз во 2019 година.

Барселона за неговиот потпис плати 1 милион евра, а сега е на добар пат да го продаде во Ница за 8,5 милиони евра.

Тобидо одигра само 5 натпревари за Каталонците, а потоа беше испраќан на позајмица. Последно играше за Ница, каде покажа одлични партии, па клубот реши да го откупи.

21-годишниот Французин ќе биде откупен за 8,5 милиони евра, што е добра вест за Барселона.