Плејмејкерот на Баерн Минхен, Тиаго Алкантара ќе биде надвор од терените неколку недели поради повреда на глуждот, сооптија денес од германскиот клуб.
Алкантара се здоби со повреда синоќа за време на натпреварот од Купот против Родингхаузен кој Баварците го добија со резултат 2:1.
„Баерн ќе биде без Тиаго во следните неколку недели“, стои во соопштението на баварскиот гигант.
Корентин Толисо и Квинсли Коман се другите двајца фудбалери на кои тренерот Ковач не може да смета поради повреда.
Баерн моментално се наоѓа на второто место во Бундес лигата, а следната недела ќе го играат дербито со Борусија Дортмунд, кое сигурно ќе го пропуштат споменатите фудбалери.
Коментари
Учество во игри на среќа е дозволено за лица со 18+ години. Играј одговорно!