Ашковски: Бугарија е силна, но ние одиме на победа!

Фудбалската репрезентација вчера ги започна подготовките за претстојните натпревари во Лигата на Нации.

Селекторот Благоја Милевски и најголем дел од фудбалерите вчера го одработија првиот тренинг, дополнително се очекува пристигнување на уште неколкумина кои се уште имаат обврски кон своите клубови.

За она што не очекува во периодот кој следи своја оценка даде Стефан Ашковски.

„Во 10 дена ќе одиграме четири натпревари. Бугарија е една силна репрезентација, но ние сме спремни и одиме на победа. Оваа репрезентација е како едно семејство и сигурно дека кој и да биде на теренот ќе даде се од себе. Ние сме горди што играме за оваа земја. Селекторот има систем кој функционира подолго време, секој на теренот си има свои задачаи и знае што треба да прави“, изјави Ашковски.

Македонија првиот натпревар го игра на гости во Разград на 2. јуни против Бугарија.

Фото: ФФМ