Артета: Во првите 10 секунди знаев дека треба да го доведеме Стерлинг

Рахим Стерлинг изгледа мотивирано да се докаже во редовите на Арселона, а воодушевен од неговата желба е и тренерот Микел Артета.

Очекувањата се Стерлинг да ги одигра првите минути за „топџиите“ во дербито против Тотенхем.

Артета за медиумите раскажа и дека брзо се одлучиле да го доведат.

„Веднаш можев да видам дека е гладен за успех. Во само десет секунди ни беше јасно дека треба да го доведеме. Изгледа одлично, прво поради големата насмевка, а има и многу енергија. Првите зборови кои ми ги кажа беа: Сонував за ваква понуда! Знаев дека тоа е тоа“, изјави Артета.

Стерлинг во кариерата претходно настапуваше за Ливерпул, Челзи и Манчестер Сити, па така Арсенал е негов четврти голем клуб на Островот.