Арне Слот потврди: Ќе бидам тренер на Ливерпул следната сезона

Ако имаше некакви дилеми, сега повеќе нема – Арне Слот ќе биде тренер на Ливерпул следната сезона.

Слот се уште го води Феенорд со кој ја освои титулата во Холандија, а сега е време за нов чекор во неговата кариера.

Сè што беше кажано во изминативе неколку месеци се покажа точно бидејќи Слот вчера призна дека ќе седне на клупата на Ливерпул.

„Признавам, можам да ја потврдам таа информација, јас ќе бидам тренер на Ливерпул од следната сезона“, изјави Арне Слот.

Феенорд за него ќе добие оштета во износ од десет милиони фунти. Утре Клоп во натпреварот против Вулвс за последен пат ќе го води Ливерпул.