Арда Туран има нов клуб

Турскиот фудбалер Арда Туран минатиот месец стана слободен играч откако му истече договорот со Барселона.

Туран претходните години скори и да не играше фудбал, а во јануари Башакшехир ја прекина неговата позајмица. Иако се врати во Барселона тренираше сам и чекаше да истече неговиот договор.

Многумина велеа дека овој 33-годишен играч ќе ја заврши кариерата бидејќи не може да најде нов клуб и тогаш дојде до пресврт кој ни самиот Арда не го очекувал.

Имено, неговиот омилен тим Галатасарај одлучи да му даде нова шанса, па денеска е официјално претставен како ново засилување.

Арда за Галата играше пет години пред летото 2011. година да премине во Атлетико Мадрид за 13 милиони евра.

#YuvanaHoşgeldinArda @ArdaTuran pic.twitter.com/9aeXI0cY7X

— Galatasaray SK (@GalatasaraySK) August 5, 2020