Анчелоти и Реал воодушевени: Ѓулер има неверојатна статистика

Турскиот фудбалер, Арда Ѓулер долго време чекаше вистинска шанса во Реал, но во завршницата од сезоната покажа зошто очекувањата од него во Мадрид се големи.

Откако Реал ја обезбеди титулата, Анчелоти му даде повеќе простор за игра, а Ѓулер тоа го искористи на најдобар начин. Во вчерашниот натпревар против Виљареал кој заврши без победник 4:4 постигна два гола и така ја продолжи одличната голгетерска форма.

Ѓулер има постигнато шест гола со шест испратени удари кон противничките мрежи, па иако имаше мала минутажа сезонава со вчерашните два гола стана четврти најдобар стрелец на Реал.

„Арда е навистина неверојатен. Колку е поблизок до голот, току е подобар. Сите се уверивме дека е неверојатно ефикасен, постигна толку голови од малкуѕ удари. Има посебен талент и тој доаѓа до израз кога е пред противничкиот гол“, изјави Анчелоти по вчерашниот натпревар.