Азар доби јавна покана да премине во Реал Мадрид

Еден Азар веќе долго период се поврзува со трансфер во Реал Мадрид, а Белгиецот и самиот неколку пати во медиумите зборуваше дека еден ден сака да го носи дресот на „кралевите“.

Гласините за потенцијалниот трансфер на Азар во Реал Мадрид посебно се зголемија откако Зинедин Зидан се врати на клупата на Реал Мадрид. Зидан е фудбалскиот идол од детството на Белгиецот и сигурно дека тој може да биде дополнителна причина за да го избере Мадрид како негова следна дестинација.

Сега, голманот на Реал Мадрид, Тибо Куртоa со изјавата за „Онда Серо“ јавно го покани својот сонародник да му се придружи во Мадрид.

Куртоа и Азар беа соиграчи и во Челзи, пред голманот минатото лето да го замени Лондон со Мадрид, но во таборот на „кралевите“ нема баш најдобра сезона. Сега со враќањето на Зидан, Кејлор Навас одново доби предност.

Белгискиот голман сега зборуваше за Азар и порача дека сака да му се придружи во Реал.

„Не можам да ви кажам дали ќе потпише за Реал Мадрид, не знам што ќе се случи. Можам да ви кажам дека зборуваме за фантастичен фудбалер, но јас не одлучувам за трансферите во клубот. Азар сигурно е еден од најдобрите во светот и како мој пријател би сакал да дојде и да играме заедоно во Реал Мадрид“, изјави Куртоа.