Агентот тврди: Дембеле нема да оди никаде!

Агентот на ѕвездата на Барселона, Осман Дембеле тврди дека неговиот клиент сигурно ќе остане на „Камп Ноу“ ова лето.

Се посилни се шпекулациите дека Французинот ќе ја напушти Барселона ова лето. Медиумите тврдат дека Каталонците сакаат да го продадат или да го вклучат во трампата за Миралем Пјаниќ.

Дембеле се рехабилитира од повреда и нема да се врати до крајот на оваа сезона, но интерес за него покажуваат неколку европски гиганти.

Сепак, неговиот агент Муса Сисоко тврди дека Дембеле сигурно останува во Барселона.

„Не мислам дека Дембеле ќе ја напушти Барселона во летниот трансфер пазар. Како што стојат работите тој нема да оди никаде“, изјави агентот за „Екип“.

Дембеле оваа сезона одигра едвај 9 меча за Барселона бидејќи постојано има проблем со повреди.