Јута продолжува со победите, Нетси подобри од Вориорс

Јута Џез продолжува со одличните игри и со победата против Мајами го потврди статусот на екипа со најдобар учинок во НБА (22:5).

Џез синоќа на домашен паркет ја победи екипата од Флорида со 112:94. Натпреварот го решија на почетокот од третата четвртина кога направија +21 (63:42).

Донован Мичел со 26 и Бојан Богдановиќ со 19 поени го предводеа домашниот тим во победата, а кај гостите со 23 поени најефикасен беше Нан.

Бруклин на гостувањето беше подобар од Голден Стејт со 117:134, на чело со добрата партија на Кевин Дурант против својот поранешен клуб.

Дурант натпреварот го заврши со 20 поени веднаш зад најефикасниот играч Ирвинг со 23 поени. Кај Вариорс со 27 поени најдобар беше Стеф Кари.