Јувентус ја спреми „десетката“ за Хамес Родригез!

Хамес Родригез и покрај тоа што не е задоволен во Реал Мадрид во јануарскиот преоден рок сигурно ќе остане на „Сантиаго Бернабеу“, но следното лето ќе биде ѕвезда на преодниот рок.

Голем број на европски гиганти се заинтересирани за Колумбиецот и се спремни да платат значителна сума за да го видат во своите редови, а последен во низата кој се вклучи за неговиот потпис е италијанскиот шампион Јувентус.

Италијанските медиуми тврдат дека Хамес Родригез ќе биде приоритет за „бјанконерите“ следното лето и се спремни да потрошат 70 милиони евра за да го доведат во Торино.

Притоа, „старата дама“ за да го убеди Колумбиецот да го избере нивниот клуб му ја ветува и легендарната „десетка“ која последно ја носеа Дел Пјеро, Тевез и Погба.

Сепак, на Јувентус воопшто нема да му биде лесно да ја победи конкуренцијата, бидејќи за Хамес се заинтересирани уште Манчестер Јунајтед, Челзи, Интер и ПСЖ.