Јувентус остана без Дибала за два клучни натпревари

Пауло Дибала заработи повреда и пред време го заврши натпреварот со Сасуоло, а денес стигнаа деталите околу повредата.

Дибала има проблеми со лигаментот на коленото и ќе биде надвор од терените 20-ина дена.

Тоа значи дека ќе го пропушти големото дерби со Интер следниот викенд, натпревар кој може да се покаже како клучен за „бјанконерите“ во борбата за Скудето.

Андреа Пирло нема да смета на услугите и на Федерико Киеза и Мекени кои исто така се на листата на играчи кои се повредени.

Што се однесува до Дибала, тој ќе го пропушти и дуелот во Суперкупот на Италија против Наполи.