Јувентус договори ново големо засилување

Јувентус и Борусија Мехенгладбах постигнаа договор за трансфер на играчот за врска, Денис Закарија, пренесува „Скај Спорт“.

После заминувањето на Бентанкур во Тотенхем, најголема желба на „старата дама“ беше токму Закарија и веќе неколку дена преговара за негов трансфер.

Договорот на Закарија со Мехенгладбах завршува на крајот на сезоната, па „бјанконерите“ за неговиот потпис ќе платат 8 милиони евра.

Швајцарецот веќе има договор со „старата дама“ и се очекува утре да пристигне на прегледи во Торино и да го комплетира трансферот.