Јокиќ со 46 поени му го расипа роденденот на Вембањама (Видео)

Уште една лекција за кошаркарските учебници прикажа неверојатниот српски кошаркар Никола Јокиќ.

Денвер по продолжение го совлада Сан Антонио Спарс, а најзаслужен за победата беше неверојатниот Србин.

Натпреварот го заврши со 46 поени, 10 асистенции и девет скокови!

Тој беше нерешлива загатка за Вембањама и екипата. Си поигруваше со ривалите на теренот, правеше буквално што сакаше. Доминираше во рекетот, погодуваше од сите позиции, делеше спектакуларни асистенции и со неверојатни потези ги вадеше од кожа своите чувари.