Шкендија е најдобро рангиран македонски клуб за 2022 година

Европската куќа на фудбалот, УЕФА ја објави новата ранг-листа на клубовите на стариот континент и на неа се смета европскиот коефициент собран во претходните пет сезони.

Кога се македонските клубови во прашање најдобро котира екипата на Шкендија која се наоѓа на 151. место.

Зад Шкендија следи Шкупи на 185. позиција, а другите клубови се под 300. место.

Трет на листата од нашите клубови е Македонија Ѓорче Петров на 356. позиција, потоа Силекс (361), Академија Пандев (382), Ренова (409), Струга Трим Лум (417) и Вардар и Работнички (418).