Пандемијата со коронавирусот направи вистински хаос во светот на спортот, а почнаа да се делат откази. Швајцарскиот прволигаш Сион ги отпуштил своите најплатени осум фудбалери за да ги намали трошоците.
„ФИФПро“ (Светското здружение на фудбалери) пред само два дена објави дека стравува од криза во фубдалот поради коронавирусот, а сега започна тоа да се остварува.
Шанса да станеш YouTuber! Приклучи се! ↓↓↓
Сопственикот на Сион, Кристијан Константин ги отпушти најплатените фудбалери за да ги намали трошоците: На списокот на отпуштени фудбалери се најдоа: Пајтим Касами, Алекс Сонг, Ермир Лењани, Хавиер Куаси, Сејду Думбија, Микаел Факинети, Кристијан Цок и Бирама Н’Даје.
Првиот човек на клубот им понудил намалување на платата од 12.350 франци месечно, дел од фудбалерите прифатиле, додека другите задоцниле со одговорот. На крај споменатите осум добиле отказ.
По отказите тие поднеле жалба до здружението на фудбалери на Швајцарија, а постои и можност да се жалат преку ФИФА за Сион во целост да им ги исплати договорите.
Инаку, во Италија се најавува скратување на платите на фудбалерите за 15% до 30%, додека шкотски Хертс побара од фудбалерите да се откажат од половина месечна плата.
Учество во игри на среќа е дозволено за лица со 18+ години. Играј одговорно!